虽然我喺东山影果筒135失败咗，但今日上论坛见到neo贴咗佢果日影d相出嚟，真係好鬼靓啊~~其中有d仲有我，真係影得我好上镜嘎姐~~kukuku...多谢佢啊!!

喺度等我贴返几张佢既作品俾大家欣赏下啦~~

(全部有我，唔好闹我自恋！kakaka......)

近日穷得全身只剩2元的我，今天突然多了15元的进帐。本来实应高兴一番，终于有2位数。但...我宁愿不要这15元！！！因为我那筒放进holga里经过错误操作的黑白135彻彻底底底的壮烈牺牲了！！冲出来之后什么也没有，什么也没有......于是店家退回原来的扫描费。

望着手中的15块，究竟应该是喜，是悲？

........................

but!我系唔会放弃ga!!!!!!!!!!!!!!!!!!!!!!!!!!!

继上次憨居居咁将holga120个B门当咗N门同埋装135菲林'kum'120个盖而影咗一筒黑白135之后，今日发现我又做多一单傻事喇！

好不容易地dum重本买咗卷120，今日兴致勃勃咁走去漫步中大，行下影下唔经唔觉就无咗12张，正当我谂住继续转去第13张果阵，转转转转...转极都唔见“13”两个字，于是心谂大事不妙，咁快就玩完？果然，转多几圈...EXPOSED....

我人生中的第一筒120喔，原本期望你有16张，点知你先完成咗12张就英年早逝~~~~~~~~~

噢~~系我蠢系我钝~~我再次重覆N门B门既错，以为空咗果度就代表用紧果度......结果系错晒ga！！！！

（我谂大家都唔系好明我讲紧乜，尝试贴2幅图出嚟俾大家参透下啦...)

啊~~~无啦啦sit咗4张~~而且果12张又唔系12张应有既size/quality......

 

昨天，天气晴朗，蓝蓝的天空中飘着朵朵白云。我们怀着兴奋的心情来到东湖公园......

hahaha...感觉好似小学生d游记咁。

寻日，同一班网友去东湖公园活动。哇哇哇~~同网友啊~~从来都无谂过自己会同d唔识既人出去玩...不过~lee班都系lomo友，大家都中意玩lomo，我完全无谂过要惊啊，hohoho...

寻日玩得好开心，虽然neo水我地有好多人嚟但最终得6个人去，不过人少都有人少既好处既~~除咗我，其余5个人分别系揸fit人neo，好中意影人既啊播，做大买卖（卖电梯！）既tvhead，唔声唔声但突然弹句“楼去人空”出嚟笑死人既andy，同埋同我一样都有部cs既瑜。阿瑜好搞笑，叫佢做model佢摆咗个青蛙爬墙个pose出嚟，笑死啊~~~仲有仲有，原来阿瑜果日都有去中大睇陈绮贞ga!

讲起做model，我寻日都客串咗一番。不过我又唔上镜又唔识摆pose扮深沉，净系识得死笑，真係难为了他们啰，sai晒d菲林~~希望佢地尽早delete晒d相啦......kakaka......

另外，仲有意外收获添啊!就系一个应该有1米高但可以缩到25cm既脚架，都几实用（影大合照果阵即时用佢）。系喺个执笠清货既晒相铺度买，个老细鬼咁孤寒，死都唔肯减多20蚊，净系送咗10几筒过期黑白菲林......

今日下昼喺细岗个mini布市见到古装人！！

原来佢哋系“汉服”痴迷者，就好似时下青少年中意玩cosplay咁，只不过佢哋系玩古装。而且佢哋仲无cosplay咁“败家”！我问过其中一个女仔（几靓女ga），佢身上成套加埋都不过系30蚊！佢哋仲好坚持，汉服就系汉服！点解咁讲？事关有个阿姨叫全场唯一一个古装男留返条辫，佢就态度强硬咁同师奶解释汉服系汉人着既服装，辫系清朝满洲人统治之后d人先开始留，我哋汉人系唔留辫......wow~~哩d先至系民族优越感！！

真系好有型啊佢哋！！！

 

 

另外，喺mandy个xanga度发现咗个好好玩既网站：http://www.picturetrail.com/

哩个就系制成品la-->

。

。

。

贴极都贴唔到...其实系一个有6个面既4方体喺度自转，个4方体就系用你自己d相砌成

 

MSNspace好似除咗相之外，识郁既也都贴唔到 －。－||

 

有线电视珠江宽频既服务态度认真唔掂！

报装果阵d工作人员已经差，问多几句就厉住你，仲好敷衍。报咗之后话7日内会有师傅联络，点知一个星期过咗都仲咩事都无发生过。卒之打电话再报多次，终于2日内有人嚟。但系，嚟装过个“师傅”仲寸！懒屎咁唔大爷咁款，完全无办法同佢用言语沟通！

挑喇星！你估你平就好威啊？！咁既服务，唔怪得咁平都无乜人肯装啦！

广州话真系好有趣！

寻日无意中喺间书店度睇到一本叫《学广州话》既“口袋书”，专门for外地人学讲广州话，里边d内容除咗“爆笑”，我都唔知可以用咩字嚟形容~~

如果我唔话你知以下lee几句原本系乜而你都知道佢讲紧乜，咁我都唔知应该赞你叻定笑你捞啰~~

唔讲咁多废话，开始啦~

(请以普通话发音)

1，星军佐，栽军咬，根举呀姐很裸灰

2，夷嘎妈爷顶娃鹅都唔机

3，鹅中衣孩怀兵咬谁桶买雅光哟

4，谋卡洗鞋孙白雷，真海堆唔举

5，葵呀郭忍咬忧工捉，咬忧抄贼，真海申扶啊

6，A：雷孩歹给斩呔祥切嘎？

    B：三斩呔，巴郭鹅能里切都肿美雅斩

7，呢啲俺些海根领嘅老很些/坟些

8，唔醒跟衣，跟耿姐雷孩鹅歹灰森震毫差凯干伟鹅歹走嘅呀猜

9，枉三，雷侯，听究佐钱雷仁佐衩，侯嘛？

 

最吼，侯勾亨冷高桶郭围呀采朵郭呢郭懒莽嘅喜哈！

 

 

everybody快换上可爱的鼠标指针吧！
家阵我用紧洋葱头鼠标，一开机就见到佢水汪汪的大眼睛，心情即刻靓晒啊！

换既方法好简单,在控制面板－－鼠标－－指针－－浏览，调用即可

在此附上一些可爱指针：

keroro：http://www.keroro-cn.com/job.php?action=download&pid=tpc&tid=1611&aid=1831

toro猫：http://stephanie0917.20megsfree.com/Toro.htm

趴地：http://www.asahi-net.or.jp/~cb9i-kn/cur/cursor/doc/panda.exe

洋葱头：http://my.so-net.net.tw/emworks/mouse.rar

onepiece：http://www.asahi-net.or.jp/~cb9i-kn/cur/cursor3/doc/onepeace.exe

nightmare before christmas:http://www.asahi-net.or.jp/~cb9i-kn/cur/cursor3/doc/nightmar.exe

 

更多。。。》http://www.asahi-net.or.jp/~cb9i-kn/cur/cursor/cur1_e.htm

星期4，怀着兴奋的心情，逃课去澳门自由行。与我同行的，还有毕&女人。

嚟到澳门，发觉澳门变咗小小，好多名胜古迹翻新过油过油，感觉好似广州上下9，好假。

今次终于都吃到新鲜出炉既大利来记猪扒包，真系好幸福啊！！！包住旧猪扒既咸包好硬度适中，表皮松脆，口感一流！旧猪扒就炸得啱啱好，肉质鲜嫩，不过我个人就觉得略为咸咗小小，但总括嚟讲系正既！

今次仲有意外既收获。话说我地喺大三巴落嚟之后，谂住路经黄色果幢楼既骑楼底会无咁晒，行入去之后发觉里边可以入去又有冷气，好似仲有展览睇，于是就上2楼。2楼果然有个展厅，里边做紧个摄影展。见里边有人，于是我哋就推门入去。入到去，里面既人同我哋讲个展览未setup完，仲未开放。于是我哋就好遗憾咁行出去。发觉原来从骑楼影大三巴个角度仲好，于是又狂影一轮。当我哋影完落楼果阵，头先展厅度果个姐姐冲出嚟叫住我哋，于是我哋又上翻去，于是，其中一个光头既男人同我哋讲经过佢哋头先既“紧急会议”决定俾我哋入去睇下，唔想我哋带着遗憾而走。于是，我哋就慢慢欣赏。原来lee个系当年谭咏鳞同一班艺人从广州到柬埔寨既探访儿童既活动既影展。而果个光头男人就系今次影展既摄影师terence lam，佢仲送咗本场刊（？）俾我哋，因为我哋系今次影展既第一批观众.真系好感动啊！！！！

因为喺澳门人生路不熟，所以成日都需要问路。发觉澳门同胞们真系好热情好客，个个都鬼咁nice，真系令人宾至如归啊~~

今次既澳门行都几好玩，不过真系心有不甘！有咩理由乜都无做过既女人可以咁好彩猜赢独占一张床！！！！肥狮大只既我同牛高马大既毕却要一齐逼张单人床，可恶啊！！！！去旅行真系唔可以3人行！！