| wai 的个人资料small potato照片日志列表 |  工具  帮助 |
|
8月30日 新知新见前几日卡路里姊妹同佢地妈妈一齐返广州，陪佢哋喺广州城内外周围游荡，吸收咗好多新知。
原来番禺宝墨园有好多鱼。  但翻新痕迹好严重，好假。
原来做facial好舒服，但掹黑头真系天杀的痛！！
原来中山3院夏天挂号要收多5毫子“空调费”，
 但完全唔觉个大堂有开冷气......
原来傍晚时分既状元坊几靓下，仲好鬼平。
 原来neway夜晚黑58蚊一个人，又好似唔系好贵，啲奶茶仲好好饮。
 kukuku.........lee几日，仲创咗好多个人纪录。试过一日之内搭4次的士，试过一日之内俾人打5次占，试过2日加埋训着既时间唔够10个钟...真系好眼训！！！！！！！！！  8月25日 近日见闻8月22日 |礼物
柴回去山东旅行翻嚟送咗顶好搞野既帽俾我.lee顶帽系纸造,未撑开果阵成个花樽咁,  撑开果阵又可以好大顶,遮阳面积都几广阔咖~
 除咗当帽戴,我发觉佢又可以当灯罩咁用,几盏鬼.
 可惜我个台灯笠唔落....but,真系好好玩~~~ 
 
8月23日 |以芝士为主题既西餐厅
寻日去广图还书,咁啱撞到阿毕,于是约定今日去游水,然之后就去杂志介绍果间以芝士为主题既餐厅享用午餐. 今朝,游完水,虽然好攰,但大家都咁肚饿,于是,直奔出题......lee间餐厅叫做"本味",喺江湾桥脚怡安花园入边,本来以为怡安花园咁大,好难搵,但只要沿住大门口条"怡安路"直行,咩弯都唔转,就会见到有间红色招牌,玻璃门面既"本味"西餐厅喇.  我地去到果阵大概点零,里边都几多人下,仲有鬼佬添,睇嚟应该都唔错,ku~~kukuku.于是,我哋点咗杂志推介既泰式酸辣沙律,菠萝芝士海鲜焗饭,同埋芝士龙利柳焗饭.本来,我哋都想点多d,但lee度价钱贵过意粉屋好多,加上月尾大家都银根短缺,所以......如果好味的话,下次再嚟试其他!ku~kuku
等咗都唔算耐,就有野上喇. 首先上嚟既系个泰式沙律.  里面有鸡肉,芒果,青瓜,菠萝蜜,花椰菜etc.酸酸辣辣,好开胃!而且里面有d芝士粒,d鸡皮又脆卜卜,配搭起上嚟感觉好新鲜,靠得住!
跟住,到我个芝士鱼柳焗饭.  好大兜!撩开面头果层焗到卜卜脆既芝士,即刻一阵诱人既鱼柳香味+芝士味飘出嚟~~~吃落去,d芝士味都几浓,鱼柳稍为咸咗dd,但都几新鲜,唔错唔错!!!
最后上台既系阿毕既菠萝焗饭.  开头以为d菠萝会好细粒,但睇落,都几大份!据说个饭有好多芝士,菠萝都好多,味道不错.下次一于试下先!
hmm....lee间餐厅环境唔错,食物质素都几高,都几值得推荐!据说,lee度d招牌野仲有tiramisu,法式鹅肝(48蚊,号称全市最平),仲有d唔记得咗.不过,下次去到自自然然就会记得啦~ 期待啊~~~ 
8月24日 |黑暗ktv
同初中班姊妹去上下9歌哥唱k。lee间k真系名副其实既黑店一间。周围度度都黑mama，有夜盲症既人绝对唔适合入内！好在我有先知，带备猪猪强力电筒随行，如果唔系.......睇怕我未稳到间房就已经碌左落楼梯lu.....
除左黑,仲好唔掂.隔音设备奇差,又无自助餐,野饮又另计,净系得个房平.
仲有仲有,女厕所黑得离谱,d墙已经黑mengmeng,天花板又黑mengmeng,成个厕格得头顶一盏弱得可怜既蓝色灯照住.叫人点样方便得落?!
男厕所仲离谱,开放式设计,大门都无,一个个尿兜就0甘埋墙栋0係度,d兜白色,兜隔离仲有白色灯光捆边,想人睇唔到都几难.女仔洗完手令转身就睇到d男士方便.真系...... 
8月25日 §可怜的鱼
我老窦落咗d灰锰氧喺个鱼缸度，搞到个鱼缸腥风血雨，d鱼真系惨～～～～～～～～～～ 
但之后佢又落d双氧水，个鱼缸d水即刻清晒！ 
真系恐怖的神奇！！d鱼都唔知会唔从此患上隐疾...... 8月19日 湖南游2006年8月16日，同我妈跟中旅既揾笨职工团去游湖南。
原先话係双飞，点知...变咗火车去飞机返. 
原先话係4日3夜,但係家阵晚黑先出发,有一晚喺火车训,sit晒啦,仲够胆死收1800蚊/位,中旅真係唔熟唔食!
我仲要咁好彩训最上层,真係唔係一般既痛苦!!
8月17日. 落火车黎到长沙,度度都係湖南头.... 
跟住即刻去长沙有名既岳麓书院
之后就去韶山参观一系列毛泽东纪念地...因为本人并不喜欢伟大领袖毛主席,所以都无乜点影相.净係喺佢乡下屋企门口死影个荷花池... 
之后...坐咗5个(或以上)钟头既车黎到张家界.坐到patpat都"软"晒! 8月18日 一早起身,去张家界著名景点黄石寨.但今朝好大雾,乜都蒙查查... 视频片断:http://youtube.com/watch?v=9Qc4VPk7bDU 不过好彩我地早去,如果唔係...就要排长龙等缆车lu~~ 
跟住...就开始一段漫长既路途---游览美丽的金边溪 
沿途风景确实如画,但...要徒步行3粒钟,真係攞我命~~~ 
终于...经过一番劳碌之后,晚上抵达迷人的凤凰古城!我地所住既酒店真係几靠得住!仲有电脑~~good!! 视频片断:http://www.youtube.com/watch?v=62yTkcKSNfA 不过就衰在无电梯,行餐懵! 8月19日 终于都可以近距离接触凤凰古城啦！！内心无比兴奋啊~~~
视频片断:http://www.youtube.com/watch?v=Ri4MNo6CPuE http://www.youtube.com/watch?v=N1QwTB6NLPQ 但可惜逗留时间太短,太赶,都未玩够行够就要走啦~好唔舍得! 于是,怀着依依不舍既心情,穿州过省,去到贵州铜仁搭飞机返广州......而lee个机场,真系我见过最细既机场!每日可能得一两班机,所以我哋去到果阵个停机坪系空nel nel,乜都无.而且上机果阵系自己行过去停机坪,接送车都悭返,认真盏鬼 
今次旅程好似除咗凤凰同行餐懵既金边溪之外,无乜太值得留恋既地方......感觉好搵笨!但好在今次有好多领导级人马,所以吃好住好,都勉勉强强算过得去.but!湖南真系好污糟!!!!
8月12日 视觉游戏寻日喺图书馆借咗本几得意既书，书名就叫做《视觉游戏》。里面有好多好有趣，好神奇既图，全部都好令人怀疑或者惊叹，好好玩，其中有d仲好经典。我scan咗几幅上嚟，一齐玩下~
1。
望住d圈  系咪觉得d圈会转？！
2。
Q：究竟个头系边个咖？  A：系右手边果位女士
3。
倾斜的房子？  角度姐，角度姐....
4。
望住中心既蓝点  蓝点慢慢地褪去....哩个叫做“填充幻觉”
5。望住中间黑点，前后移动你个头
 系咪发现里边个圈会转呢~~~
6。
克塔卡的螺旋  睇落好似螺旋，其实系一系列既同心圆。唔信？“庵”住一半就知啦
7。 早餐前后。试下搵出2个唔妥既地方 
灯凳~~~~就系个donut同杯咖啡喇
8。
倒置的面部幻觉。 就咁睇落，可能会觉得哩位仁兄笑骑骑。但试下调转180°...  佢面目好狰狞！
9。
喺哩幅画里面你见到d咩？  见到一块面吗？
10。
扭曲的正方形  幻觉幻觉，哩d叫做“角度膨胀”
11。 上定下？  8月11日 冬型人今日下昼无意中睇到本港台一个唔知咩节目，讲紧d玄学野，咁0岩讲到冬天出世既人。
据说冬天出世既人系特别懒....kukuku.....唔怪得我咁懒啦~~~原来系命中注定咖.......hohohohoho..........
据说冬天出世既人最好往南方发展...可以考虑移民...就算移唔到民，都可以去南方旅行，最佳时间就系冬天，因为冬天出世既人冬天运势会弱d。haha，咁以后冬天就多d去南方玩喇~，就算去唔到星马泰，海南岛都唔错~~~kakakaka
据说冬天出世既人最好配搭夏天出世既人，咁样大家就可以互利互补.......hmmm......咁睇嚟要搵多d夏天出世既人做friend啦.... 8月7日 霆鋒屙 柏芝呵
头先睇八卦新闻，发现lee条咁有趣既新闻，标题好押韵！ 锋芝恋d新闻仲犀利过连续剧，星期一到星期七，日日都有得追。边有人拍拖拍到咁假咖~ 讲真，真系好鬼厌，复合咪复合啰，一定要咁扬？！话唔系博宣传都无人信啦 究竟lee部《锋狂芝恋》几时先肯落画啊？？？真系睇到好闷啊，连肚屙都可以讲一大餐........ 自己发电今日同静仪行越富，发现一个好得意既猪猪造型电筒。
 佢除咗造型掂之外，仲好环保，只要用手撵几下就会自己发电（仲可以练下手力），而且佢都几光下咖，好靠得住！！
仲好好玩~~~
8月2日 香港7日行day1： 有幸成爲新快報“精英讀者”，免費前往香港，直奔灣仔會展，參加06香港書展 
收穫甚丰
 走果陣仲見到AT17既ellen喺度簽書  day2： 與卡路李一家去元朗濕地公園遊玩。  由於抵達時已爲正午，所以勁曬、勁熱、勁攰~~不知是否因此而覺得期望已久的溼地公園有點讓人失望......  醫飽肚之後，卡路李提議順路到流浮山觀看日落，由於時間尚早，此提議還被全家人嘲笑......    誰知........卡路李唔識路，兜兜轉轉，結果到達白坭沙灘時，也將近日落時分，既然一場來到，當然是慢慢等待日落啦......  day3： 由表妹能得利帶路，去旺角。 幫老柴買左佢d漫畫  走出信和，傾盆大雨，行完一個無乜人氣既商場，都唔記得左想去篤魚蛋，就返左歸....... day4：
本來諗住繼續由能得利帶路去銅鑼灣，但因不得不去探望外婆，所以就等埋卡路李收工再去。 時代廣場剛好有朱銘既雕塑展   收穫甚丰，喺玩具反斗城買坐一桶唔知有幾多塊既lego  仲喺一間可能就快褶既玩具鋪買左好多特價玩具。 其中最抵既係一隻只售5圓既電子寵物  仲去左吃恨左好耐既韓燒，心理生理都鬼咁滿足啊~（相喺卡路李度，佢部腦加陣神左，未攞到，得閑先po過啦~） day5： 無所事事的一天 day6：
難得方牙醫得閑，梗係要佢陪下自遠方來既我啦~lee日既行程十分緊密，首先原本諗住去西環吃壽司，點知個師傅臨時甩佢底，鋪都無開....於是......轉向銅鑼灣覓食。嚟到世貿對面既板前壽司，老方話之前lee間野成日排長龍，難得今日無乜人排隊，於是就決定入去......結果........d壽司舊舊都自帶wasabi，辣~~魚生照老方既説法係唔夠新鮮，埋單果陣仲超曬budget....... 然後，我卒之都喺銅鑼灣既開益書店搵到彎彎本《6868，一起翹班吧》，感動啊~~~~~~但真係好後悔書展果陣無買埋佢，因爲即使有折，都貴過書展十幾蚊，dum啊~~~~~~~~~
 之後，乘搭地鐵前往中環碼頭搭船過海....途經中央郵局，發現lee幅畫係由郵票砌成咖！  尖沙咀I.T做緊暑假大減價，d衫都幾抵買咖！  要返屋企果陣已經晚黑lu~~  day7： 晚黑參加由銀行主辦既游船河party。 去碼頭之前仲去左西環卑路乍街祥香茶餐廳嘆奶茶。奶茶果然又香又滑~~蛋撻都係~~  不過個店小二阿叔就怪怪地，之前仲自言自語咁噏緊名曲滿天星，突然間又唱起“吻下來，豁出去”....見我攞部相 機出嚟影杯奶茶，又自言自語咁講“數碼暴龍啵....好吖....影人一流啊”.........—。—|||
。
。
。
船裏面，俾人“ong”左出去吃西瓜，理所當然地輸左。（相喺卡路李度，佢部腦加陣神左，未攞到，得閑先po過啦~）
但意外地得到一條純銀電話繩作爲安慰獎。  出去飲飽食足后，去甲板吹吹風，照照相  last day： 要返廣州lu~~不過今日既行程都好緊密，先去飲茶，再去睇戲同睇冰雕，好趕啊~~ 睇咩戲？梗係軍曹大電影啦~kukukuku.......
 睇冰雕之前要dum個滑梯印~~  冰雕展現場好凍好凍........  出去lee個大雪櫃之前，sir下滑梯。（相喺卡路李度，佢部腦加陣神左，未攞到，得閑先po過啦~） 之後好順路咁喺吉之島裏面推下公仔，搞到好“敏”，但收穫好豐富，hahaha 拿拿林執好所有行李飛車去火車站。點知遇上大塞車，好在最後10分鐘趕到，險~~~ 懷著依依不捨的心情結束今次香港行 |
|
|
