大家有无发觉，当你d朋友仔既space有更新果阵，msn已经无星星提示喇~~所以，有d本来人气高企既space开始经营惨淡（好似老表李记咁）...虽然星星唔一定系主要原因，但都系重要因素啰我觉得。

所以呢~~我哋应该多d关心他人喇！

就系呢个喇－－>>http://charvinchoi.testren.com

得闲无聊就反下啦，好简单d题目

我讲紧既系keane首新歌『is it any wonder?』既mv。个摄影机（应该）系装喺部车仔度，然之后部车仔就好似过山车咁喺条好长好多圈既包围住keane三子既轨道上边行，好好玩。

呢度有得睇---->>http://www.mtvchinese.com/cgi-bin/players/playvid2.cgi?plocalwuri=video/keane_wonder.asx

 

本人讨厌榴莲！！！尤其是泰国榴莲！！！臭之余还伴着一股股行踪飘忽若隐若现的难以形容的腐烂/发霉/臭狐/福尔马林味（？），简直令人作呕。而且泰国榴莲往往被人为『鉴生』殴熟，一petpet像屎一般，看上去就像吃屎一样，er~~~~
要吃榴莲，请远离我视线以及嗅觉范围！！就算要在我面前吃，也请尽量选用大马出产之新鲜榴莲！！至少味道不及泰国猫屎榴莲浓烈，并干爽清甜（听说）。但最好的方法，还是让榴莲绝种吧！！！

今日睇报纸，话市交委点名批评新福利巴士车况差、司机开车『狼』。差不多日日都搭新福利公司巴士既我，真系有d为佢抱不平。1，所讲既车况基本上都系讲紧1蚊鸡果啲巴士。家阵咁既时代，全广州仲有几多1蚊既巴士吖？！而哩d巴士，又有边几部系唔会喷黑烟！唔讲热狗巴士，讲返普遍有冷气果d，新福利d巴士真系坐得最舒服咖啰我觉得，事关d司机普遍豪气，会开恒冷气，唔似果d受表扬既1气2气，焗得要死；而且班次密，乘客唔多（当然系非繁忙时段），总体上都系舒适啰。2，无错，新福利d司机系狼死，中意飞站冲红灯cut线甚至走过对面线，但佢哋狼死得嚟技术含量高啊，吹咩！都好过d1气2气净系识得龟速前进啊。而且哩度系中国，就算d巴士司机识得收敛，d货车司机私家车司机又会识收敛守秩序咩？算啦，全广州既人都习惯晒d笠笠乱又乌烟瘴气既交通咖啦~

今日，『神迹』频频喺我身上出现，都唔知系好彩定黑仔。
今朝一早，『珍珠』大显神威，狂风居然吹挛我果把坚固既长柄遮既其中一条骨，搞到把遮变晒型，样衰到死。晏昼，都唔知系部机定系咩既问题，msn上极都上唔到（卒之搞到要重装上返），无奈ing。傍晚，天边突然出现一条彩虹，好惊喜！即刻拎部相机出嚟影低佢，点知影影下，部相机开始『精神分裂』，一用手动mode就死机，用其他mode又咩事都无啵，真系服咗佢！

 

 

***究竟今日广州出现咗几条彩虹呢？我喺河南哩边既屋企见到打栋既一条，同时，远在五山宿舍既同学们又见到打横既一条。咁...东山啊，芳村啊......又有无人见到呢？又或者讲，佢哋见到既彩虹系点咖呢？

好耐都无关心过排牙啦~hoho

早前有人问箍牙辛唔辛苦，既然有人讲起，就顺便做个『箍牙小结』啦！

其实箍牙系会辛苦，尤其是开头果段时间。排牙会扯住扯住咁痛，唔好讲吃野，就算连『啊』大个口都会痛。果段时间真系『吃唔安，训唔乐』，好鬼痛苦。不过只系开头系咁嗟，过多一段时间，就会无咁痛嘎喇。

查实箍牙系麻烦大于辛苦啰，我觉得。首先要成日撩牙啦。吃野果阵d食物好易摄喺d『箍嚹』（唔系牙嚹！！）中间，所以成日要撩牙。初头我都会随身带备牙签、小镜子，不过慢慢地，由于我条脷越嚟越灵活兼且本身个人懒，后尾都无乜点用牙签（除非支牙签好顺手或者d野真系摄得好实）。然之后就系好易生口疮啦，因为个箍会刮到d肉。有时候仲会一次过生两三粒，箍牙生口疮真系好痛苦！！仲有仲有，刷牙好难刷干净排牙。因为有d箍喺度阻住，好难刷走d牙菌膜，唯有用牙签刮（我唔知其他人系咪会咁）。然之后……千祈唔好赵香口胶！之前我都唔知点解，但上次误食香口胶之后，终于明白：箍牙既人吃香口胶就好似吃『拔丝地瓜』咁，d香口胶丝会粘喺上下牙之间，好难处理。仲有就系有时讲野会有d影响啰，不过好轻微。

暂时净系谂到咁多啰，第时醒起d咩再作补充啦~

 

p.s.我.个铁闸就快拆得喇！！yeah！！！